منتديات صمتي حكاية
عزيزي الزائر/عزيزتي الزائرة

بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة

ذاالليل كن نجوومه شووي واااشتات لي بن فطيس المري

استعرض الموضوع السابق استعرض الموضوع التالي اذهب الى الأسفل

default ذاالليل كن نجوومه شووي واااشتات لي بن فطيس المري

مُساهمة من طرف لورنس في 11/3/2013, 9:32 am

ذاالليل كن نجوومه شووي واااشتات

من كثر مـا راقبتهـا قبـل ذالليـل

فيها عـن البـارح وقبلـه تفيـوات

اعّدها مـن يـوم غيبـت ياسهيـل

ذالليل لبسه صمت وفراشـه سكـات

كنـه يشجعنـي لجـر المـواويـل

لكـن يكـدر صفـوة الجـو دقـات

دقات منفصله وهي مـا لهـا ذيـل

اروح ادورهـا بسمعـي تصنـات

وتطلع عقارب ساعـة بايـدة حيـل

مسيرهـا دقـات واكثـره وقفـات

هي ريضه وانا ارقب الصبح واخيل

الزبده ان الليل ذا ما بـه اصـوات

كني لحالي والعرب من ورى النيـل

الناس مدري وينهـم كنهـم امـوات

كنهم تمالوا فـي وكنـي مـع سيـل

سيل الهجوس اللي الى جاتني جـات

كتها على عقلي من الماضـي تهيـل

تظهر من الشاعر تنهـات وابيـات

واللي مهو شاعـر يظهـر مناديـل

تعيد لـي ذكـرى غـرام البدايـات

وتحلل ايـام مضـت فيـه تحليـل

وتاخذ بصدري مثل كل ليل صولات

ومضمونها معروف راعي المظاليل

اللي فتحت الصدر له مـن سنيـات

وخذ في فوادي ركن لازال ما زيـل

قافي لو يوصـف لزينـه حركـات

قامـوا بتقليـده بنيـات ذالجـيـل

وعينه الى منـه صدقنـي بنظـرات

دريت وين الضعف فـي يارياجيـل

ابختصر وصفي له بخمـس كلمـات

دله....صباح و ليل...سيف وفناجيل

قطعت من شانه طـوال المسافـات

الميل متر يسير لاشتقـت لـه ميـل

يشتاق لي مره وانـا عشـر مـرات

ويعطي وانا معطيه هيل بـلا كيـل

اعرف قولة هاك ولا اعرف هـات

ويخطي علي بالصد واصد واشيـل

عنده على تبريـر صـده مهـارات

وعندي لقبل اعـذار صـده تعاليـل

حبه قعـدت ابنيـه عـدة سنـوات

وفرقاه في كسرة عصا دون تعليـل

فجئه ولانـي بيـن دمـع وتنهـات

وقد كل ما قد فات ذكـرى واقاويـل

وقعد بين اسج ..مـا اسـج فتـرات

عقلي يحاسبني وقلبـي مـع الخيـل

قلبي يقول اللي مضى كذب ما مـات

لونه ميت ما قعـد جرحـك يسيـل

يقعـد يذكرنـي ديـار ومـحـلات

ويعيد لي ما فات جملـه وتفصيـل

ويقول لي معذور والا انت بالـذات

مالك عذر في طيحتك في المحابيـل

وعقلي يقول اللي مضى ماضي وفات

ما من ورى طرد المشاعر محاصيل

اعطيتـه عيونـك وشـح يتلـفـات

وخلاك شربك هم واكلـك بهاذيـل


هيهات زيد تشوف له زول هيهـات

انـس المدابيـر وتلـق المقابـيـل

اقنعنـي العـقـل بـكـلام ودلالات

اني علـى درب الخطـا والمهابيـل

الحزن مـا يذبـح كـلام ودعايـات

هذا انا ما مـت فـي تالـي ابريـل

والصد مهما كان حجمـه سلامـات

هذا البدو مـا ماتـوا لغيبـة سهيـل


لورنس
مشارك
مشارك

تاريخ التسجيل : 10/12/2012
عدد المساهمات : 42
الـنقاط : 1574
السمعة : 3
الجنس : ذكر

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى